আয়কৰৰ সংজ্ঞা অনুসৰি ৮০ বছৰৰ ওপৰৰ, ভাৰতৰ নাগৰিক নহয় আৰু ভাৰতৰ বাসিন্দা নহোৱা নাগৰিকৰ বাবে আধাৰ কাৰ্ড আৰু পেন কাৰ্ড লিংক কৰাৰ প্ৰয়োজন নাই।
আয়কৰ বিভাগে আধাৰ কাৰ্ডক পেন কাৰ্ডৰ সৈতে সংযোগ কৰাৰ সময়সীমা বৃদ্ধি কৰিছে। যিসকলে ৩১ মাৰ্চৰ ভিতৰত আধাৰ কাৰ্ডৰ সৈতে পান কাৰ্ড লিংক কৰা নাই, যাতে তেওঁলোকৰ পান কাৰ্ড নিষ্ক্ৰিয় নহয়, তেওঁলোকৰ বাবে এই সময়সীমা ৩০ জুনলৈ বৃদ্ধি কৰা হৈছে। ইয়াৰ উপৰিও আয়কৰ বিভাগেও শেহতীয়াকৈ কোনো ব্যক্তিৰ পেন কাৰ্ড নিষ্ক্ৰিয় কৰিলে হ’ব পৰা সমস্যাৰ বিষয়ে অৱগত কৰিছে।
তথ্য-প্ৰযুক্তি বিভাগৰ আনুষ্ঠানিক বিজ্ঞপ্তি অনুসৰি ২ নং ধাৰাত ১৩৯এএ উপ-ধাৰা অনুসৰি ২০১৭ চনৰ ১ জুলাইৰ ভিতৰত প্ৰতিজন ব্যক্তিৰ হাতত পেন কাৰ্ড থাকিব লাগিব। আৰু এই নিয়ম জাৰি কৰা হৈছে যাতে প্ৰতিজন ব্যক্তিয়ে আধাৰ আৰু পেন কাৰ্ড লিংক কৰিব পাৰে।
পান কাৰ্ড নিষ্ক্ৰিয় হ’লে কি হ’ব?
IT ৰ নিয়ম অনুসৰি কোনো ব্যক্তিয়ে আয়কৰ আইন ১৯৬১ৰ ১৩৯AA ধাৰা অনুসৰি পেন কাৰ্ডৰ সৈতে আধাৰ নম্বৰ লিংক কৰাত ব্যৰ্থ হ’লে তেওঁৰ পেন কাৰ্ড নিষ্ক্ৰিয় হৈ পৰিব। অৰ্থাৎ কৰদাতাই তেওঁলোকৰ আয়কৰ দাখিল, ৰিফাণ্ড আদিৰ বাবে তেওঁলোকৰ পেন কাৰ্ড ব্যৱহাৰ বা ৰেফাৰ কৰিব নোৱাৰিব। বেংক আৰু অন্যান্য বিত্তীয় পৰ্টেলতো কৰদাতাই সমস্যাৰ সন্মুখীন হ’ব পাৰে। কাৰণ বিত্তীয় লেনদেনৰ বাবে পেন কাৰ্ডে KYC-ৰ এক অপৰিহাৰ্য মাপকাঠী হিচাপে কাম কৰে।
আধাৰ কাৰ্ড পান কাৰ্ডৰ লিংক আছে নে নাই পৰীক্ষা কৰক..
- আয়কৰ ই-ফাইলিং ৱেবছাইট, Incometax.gov.in/iec/foportal/ খোলক।
- তাৰ পিছত পৃষ্ঠাৰ বাওঁফালে থকা “Quick Links” অংশত ক্লিক কৰক।
- এতিয়া “Link Aadhaar Status” ত ক্লিক কৰক।
- ইয়াৰ পিছত আপোনাৰ ১০ অংকৰ পেন নম্বৰ আৰু ১২ অংকৰ আধাৰ নম্বৰ দিবলৈ কোৱা হ’ব।
- প্ৰয়োজনীয় তথ্য দিয়াৰ পিছত “View Link Aadhaar Status” ত ক্লিক কৰক।
- যদি আপোনাৰ পান কাৰ্ডৰ সৈতে আপোনাৰ আধাৰ নম্বৰ ইতিমধ্যে লিংক হৈ আছে তেন্তে স্ক্ৰীণত আপোনাৰ আধাৰ নম্বৰ দেখা পাব।
SMSৰ জৰিয়তে লিংক আছে নে নাই পৰীক্ষা কৰক..
- প্ৰথমে ৫৬৭৬৭৮ বা ৫৬১৬১ নম্বৰত এছএমএছ প্ৰেৰণ কৰিব লাগিব। তাত লিখিব লাগে, “UIDPAN <১২ অংকৰ আধাৰ নম্বৰ> <১০ অংকৰ PAN নম্বৰ>”।
- যদি আপোনাৰ আধাৰ কাৰ্ড আপোনাৰ পেন কাৰ্ডৰ সৈতে লিংক হৈ থাকে তেন্তে আপুনি নিশ্চিতকৰণ বাৰ্তা লাভ কৰিব।
আধাৰ-পান লিংকৰ জৰিমনা মাচুল কিমান?
প্ৰথম অৱস্থাত পান আৰু আধাৰ কাৰ্ড সংযোগৰ অন্তিম তাৰিখ আছিল ২০২২ চনৰ ৩১ মাৰ্চ। প্ৰসংগক্ৰমে সেই সময়ত কোনো জৰিমনা মাচুল নাছিল। ইয়াৰ পিছতে চৰকাৰে এই সময়সীমা ২০২৩ চনৰ ৩১ মাৰ্চলৈ বৃদ্ধি কৰি ১০০০ টকা জৰিমনা আৰোপ কৰে। এতিয়া পুনৰ এই সময়সীমা ৩০ জুনলৈ বৃদ্ধি কৰা হৈছে আৰু কোৱা হৈছে যে যদি এই কাম নিৰ্দিষ্ট সময়ৰ ভিতৰত সম্পূৰ্ণ নহয় তেন্তে ১০০০ টকা জৰিমনা ভৰিব লাগিব।
মন কৰিবলগীয়া যে আয়কৰৰ সংজ্ঞা অনুসৰি ৮০ বছৰৰ ওপৰৰ নাগৰিক, যিসকল ভাৰতৰ নাগৰিক নহয় আৰু যিসকল ভাৰতৰ বাসিন্দা নহয়, তেওঁলোকৰ বাবে আধাৰ কাৰ্ড আৰু পেন কাৰ্ড লিংক কৰাৰ প্ৰয়োজন নাই।
যদি এই লিখনিটো ভাল লাগিল, তেন্তে ফেচবুকত শ্বেয়াৰ আৰু লাইক কৰক। এনেধৰণৰ আৰু অধিক লেখা পঢ়িবলৈ AXOMINFO সৈতে সংযুক্ত হৈ থাকক। আপোনাৰ মতামত আমালৈ কমেণ্ট বক্সত পঠাওক।
