Hyundai Exter: শেহতীয়াকৈ হুণ্ডাইয়ে ভাৰতত মুকলি কৰিছে নিজৰ সৰু SUV Exter। বিশ্বাস কৰক এই এছ ইউ ভি কিনাৰ বাবে গ্ৰাহকৰ মাজত প্ৰচণ্ড উন্মাদনা আছে। ই এছ ইউ ভি যদিও ইয়াৰ দাম এণ্ট্ৰি লেভেল হেচবেকৰ দৰে। দামৰ কথা ক’বলৈ গ’লে এই SUV ৰ বেচ মডেলৰ দাম ৫.৯৯ লাখ টকা। ইয়াৰ বুকিং এমাহতে ৫০ হাজাৰ অতিক্ৰম কৰিছিল। যদি আপুনিও ইয়াক কিনিব বিচাৰে আৰু আপুনি ইয়াৰ বিষয়ে বেছি নাজানে, তেন্তে আমি আপোনাক ইয়াৰ বিষয়ে বিতংভাৱে ক’ম।
ইঞ্জিন আৰু শক্তি
হুণ্ডাই এক্সটাৰত গ্ৰাহকক ২টা পেট্ৰ’ল ইঞ্জিন দিয়া হয়, য’ত প্ৰথম ১.২ লিটাৰ পেট্ৰ’ল ইঞ্জিন আৰু দ্বিতীয়টো ১.২ লিটাৰ পেট্ৰ’ল আৰু চিএনজি (পেট্ৰ’ল-চিএনজি) ইঞ্জিনৰ বিকল্প অন্তৰ্ভুক্ত কৰা হৈছে। এইটো ৪ চিলিণ্ডাৰৰ ইঞ্জিন। এই বিকল্পসমূহত গ্ৰাহকে ৫ স্পীড মেনুৱেল ট্ৰেন্সমিছন লাভ কৰিছে। ইয়াৰ উপৰিও পেট্ৰ’ল ইঞ্জিন বিকল্পত গ্ৰাহকক Smart Auto AMT প্ৰদান কৰা হৈছে। ইঞ্জিনটোৱে এমটি আৰু এএমটি ভেৰিয়েন্টত ৮১.৮৬ বিএইচপি শক্তি আৰু ১১৩.৮ এনএম টৰ্ক উৎপন্ন কৰিব। আনহাতে চিএনজি ভেৰিয়েণ্টে ৬৮ বিএইচপি শক্তি আৰু ৯৫.২ এনএম টৰ্ক উৎপন্ন কৰে।
অভ্যন্তৰীণ আৰু বৈশিষ্ট্য
এক্সেটাৰৰ ভিতৰৰ অংশত আছে চিংগল-ষ্টেক ইনফ’টেইনমেণ্ট স্ক্ৰীণ, ডিজিটেল ইনষ্ট্ৰুমেণ্ট ক্লাষ্টাৰ আৰু অটোমেটিক ক্লাইমেট কণ্ট্ৰ’ল, স্প’ৰ্টী ছেমি-লেদাৰেট আপহ’লষ্টৰী। বিশেষ কথাটো হ’ল ইয়াত কোম্পানীটোৰ পৰাই ডেচকেম প্ৰদান কৰা হৈছে, যিটো এটা ছেগমেণ্টৰ আগশাৰীৰ বৈশিষ্ট্য। এই ডেচকেমটো আই আৰ ভি এমৰ কাষতে অৱস্থিত। ইয়াৰ দুয়োফালে কেমেৰা আছে। ইয়াৰ উপৰিও গাড়ীখনত ৮ ইঞ্চিৰ ইনফ’টেইনমেণ্ট স্ক্ৰীণ আৰু ৪.২ ইঞ্চিৰ টিএফটি এমআইডি ইনষ্ট্ৰুমেণ্ট ক্লাষ্টাৰ লাভ কৰিব।
সুৰক্ষা বৈশিষ্ট্যসমূহৰ ভিতৰত আছে ই এছ চি (ইলেক্ট্ৰনিক ষ্টেবিলিটি কন্ট্ৰল), ভিএছএম (ভেহিকেল ষ্টেবিলিটি মেনেজমেণ্ট), এইচএচি (হিল এচিষ্ট কণ্ট্ৰল), সকলো আসনৰ বাবে ৩-পইণ্ট ছিট বেল্ট আৰু ছিটবেল্ট ৰিমাইণ্ডাৰ, ইবিডিৰ সৈতে এবিএছ, বাৰ্গলাৰ এলাৰ্ম আৰু বহুতো। এই ছেগমেণ্টৰ একমাত্ৰ গাড়ী হ’ব এক্সটৰে যিয়ে বিল্ট-ইন ডেচব’ৰ্ড কেমেৰা আৰু টিপিএমএছৰ দৰে বৈশিষ্ট্য প্ৰদান কৰিব।
